إحلم معايا
احلم معايا ببكره جاى ولو مجاش احنا نجيبوا بنفسنا
نبدأ نحاول فى الطريق … كتر الخطاوى تدلنا على حلمنا
مهما نقع نقدر نقوم نشق نتحدى الغيوم
نلاقى ليلنا الف يوم
بس احنا نحلم !
احلم معايا يا صديق … تطوى الخطى أرض الطريق
يهمنى حلمى البرئ مهما يكون
يفضل بروحه جمبنا مهما يطول بنا الطريق
لو حتى تهنا يا صديق يرجع لقائنا يضمنا
على حلمنا على حلمنا
بس احنا نحلم !
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
فتح شبابيك عنيك
إحساس غريب لما بسمع جملة “فتح شبابيك عينيك … حلمك بقى بين ايديك” تخيل انك حاطط لنفسك حلم معين و بعد تعب أخيراً وصلتله .. ياااااه إحساس عجيب !
فتح شبابيك عينيك … حلمك بقى بين ايديك
مش عيب انك تكون انسان بأي لون
العيب انك تكون
للغير مادد ايديك
ما تقوم يا صاحبي فينك
ابدا ربك يعينك
يرويك عرق جبينك
تاكل من خير ايديك
ده الخير جواك اكيد
والإيد تشد إيد
حلمك يجري عليك
لا تقول شكلي و شكلك
ولا مين أهلي و أهلك
مين عاش لنفسه يهلك
بلدك محتاجة ليك
حني بالشحم ايدك
عملك يصبح وليدك
ولا غيرك يبقى سيدك
و تزيد القوة فيك
أول ما يدور مكاننا
نحفظ و نصون مكاننا
و الحلم هيبقى جنة
و نكون في الكون شريك
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=
أتمنى أن يحقق الكل أحلامهم إن شاء الله .. أهم حاجة يكون عندك حلم و تنوي بجد إنك تحققه مش تتمنى انه يتحقق .. حتى لو مقدرتش تحققه لا قدر الله .. كفاية انك حاولت بجد وماتخليتش عن حلمك لحد أخر لحظة و لأخر فرصه !!
