الأيام دي بدور على شقة أنقل فيها شغلي بعد شغل حوالي 3 سنين كمصمم حر من البيت .. فصل الشغل عن البيت هيخليني أركز على الشغل بشكل أفضل والوقت اللي هبقى فيه في البيت هيبقى للبيت و الأسره من غير ما أشغل تفكيري بالشغل و العملاء !
وبعدين حابب أنا أسمع جملة ” فؤاد رايح الشغل ” .. ” فؤاد جاي من الشغل ” 
اليومين دول بتفرج على شقق كتير بس لسه مش لاقي حاجة مناسبة بالمواصفات اللي انا طالبها .. دعواتكم ربنا ييسر الحال 
الحمد لله خلصت إمتحانات الترم التاني وبدأت النتائج تظهر … الحمد لله نجحت في تحليل 2 المادة دي معايا من سنة أولى أخيرا نجحت فيها ونجحت في معادلات 2 من أول مره
قدرت الحمدلله أسجل ترم صيفي مع ان الكلية معقدة الدنيا في التسجيل بس سجلت مواد غير التخصص مادتين فيزياء ومادة جيولوجيا !! بإذن الله بعد الصيفي ده يبقى فاضلي ترم واحد في السنة الجديدة يعني هتخرج في 4 سنين ونص 
المشكلة ان أغلب دفعتي هتتخرج الترم ده يعني مش هيبقى في حد من اصحابي معايا في الكلية غير قله قليله يلا فرصة نكون صداقات جديدة مع الطلاب في الدفعة اللي بعدي
دعواتكم أن ربنا ييسر اللي فاضل في الكلية لأني زهقت جدا
هيــــــــــــــــــــــــــــه >> بيتنفس الصعداء
الحمد لله إنتهت التربية العسكرية .. يارب انجح بس مع اني كنت ملتزم طول الدورة يعني مفيش غياب و إلتزام في الطوابير و مكنتش مشاغب و في الامتحان النظري حليت كويس قبل ما يحلولنا الامتحان !! بس مش مطمن !
انتهت العسكرية و بدأ ترم جديد .. على عكس أغلب دفعتي في الكلية فده مش الترم الأخير ليا .. أنا متأخر عن زمايلي شوية في الساعات كان ممكن أخلص في الترم الصيفي بس انا هكمل السنة الجاية كلها إن شاء الله .. لأسباب كتير ممكن أبقى اتكلم عنها بعدين !
اللي متبقى لي في الكلية مواد رياضيات و مواد تخدم التخصص بعد ما خلصت مواد الحاسب الإجبارية و الإختيارية تبقى بس مادة شبكات الحاسب اللي هسجلها السنة الجاية ان شاء الله .. دي المواد اللي سجلتها الترم ده مع بقاء خيار الإنسحاب من بعضها قائم !
طبعا من اول ما دخلت الكلية و انا بسأل أنا طالب بدرس في تخصص رياضيات بحته و علوم الحاسب ليه أدرس مواد زي علم المعادن و علم البلورات و خواص المادة و موجات و صوتيات و كهرومغناطيسية و ديناميكا حرارية وووو تحت مسمى أنها مواد تخدم التخصص .. طيب حد يقولي بتخدم التخصص إزاي إذا كان التخصص نفسه مش بيخدم بعضه يعني مواد الرياضيات اللي بندرسها مش مرتبطة بمواد الحاسب !!
بعيداً عن الكلية تفكيري مشغول جداً الايام دي بحاجات كتير جدا بحاول أوصل فيها لقرار .. أدعو الله ان ييسر لي ما يحب و يرضى وأن يكتب لي فيها الخير .. دعواتكم ^_^
تحديث : حذفت نظرية المتغير المركب و ديتاميكا حرارية و درسات بيئية و سجلت علم البلورات و دراسات اسلامية 1
إنتهت إمتحانات الترم الحمد لله .. أغلب الامتحانات كانت كويسه ماعدا مادة واحدة إضطررت للإنسحاب منها ..الحمدلله على كل حال
إستنيت نهاية الامتحانات عشان الواحد يستريح شوية قبل بداية الترم الجديد و عشان اقدر أرجع لشغلي و تصاميمي اللي كنت موقفها بسبب الإختبارات لكن للأسف أجازتي كانت يوم واحد بس بسبب التربية العسكرية !!!
التربية العسكرية إجباري على طلاب الجامعات و بتستمر أسبوعين يعني أجازة نصف العام كلها .. و الأهم انها يومياً بتبدأ من 8 إلى 2 أو 3 بعد الظهر !!!
نروح الكلية الصبح قبل 8 عشان نقف في طابور عسكري – أفتكر أني أخر مره وقفت فيها في طابور كانت في الثانوي أيام طابور الصباح – و يستمر الطابور ساعتين أو ثلاثة على حسب مزاج الجندي او بمعنى تاني بمدى إلتزامنا في تنفيذ الأوامر زي ” صفا ” إنتباه ” “لليمين دور” ” سلام التمام ” و أهم حاجة نشيد الجيش و نشيد بلادي … لحد ما يوصل العقيد و ندخل نأخذ محاضرات عن الجيش و الدفاع و الصراع العربي الإسرائيلي و حرب أكتوبر و إستراتيجيات الحرب وووووووو ..
كل مره العقيد يقول أي سؤال انا حاضر ليه بس داخل الموضوع ” يعني محدش يتكلم في السياسة ” .. بس أنا نفسي أسأله سؤال بسيط جدا : إيه دور المؤسسة العسكرية لو حصل فراغ مفاجئ في السلطة و هل ممكن المؤسسة العسكرية تفرض أو تساعد مرشح او شخصية معينه ؟؟ .. بس مش بعيد بعد السؤال ده يسقطني في التربية العسكرية أو يرد عليا ” أنت إتجننت يا أبني هو في رئيس بيموت ”
هيبقى ليا كلام تاني عن التربية العسكرية بعد ما تخلص إن شاء الله .. الساعه دلوقتي 6:30 ألحق أقوم أجهز و ألبس زي العسكرية ” القميص اللبني و البنطلون الأزرق ” و ألحق الطابور بدل ما أتحسب غياب و اسقط في العسكرية !
دعواتكم
اول حاجة كل سنة و انتم طيبين بمناسبة عيد الاضحى المبارك .. عيد سعيد مليئ بالبهجة و السعادة على الجميع ان شاء الله ..
هي التدوينة في الاساس مكتوبة عشان الجملة اللي فاتت بس .. لكن بما ان المدونة كلها شخصية فلازم نصدعكم بشوية اخبار سريعه
في تدوينة سابقة كنت حطيت من ضمن الأهداف للسنة الجديدة ” أبدأ أجهز شقتي “ و الحمد لله رب العالمين بدأت أول خطوة الأسبوعين اللي فاتوا وبقى للشقة جدران و سقف
الأسبوعين اللي فاتوا دول كانوا من أكثر الأسابيع اللي انضغطت و تعبت فيها جداً .. الاشراف على العمال و المباني مع الشغل مع الامتحانات الكتييييرة اللي كانت ورانا لان الدكاتره في الكلية خايفين ان اجازة العيد تمتد بسبب المرض … لكن الحمد لله رب العالمين مرت على خير
على الرغم من ضغط الأسبوعين اللي فاتوا إلا أني أخذت خطوة مهمة سعيد بها جداً أياً كانت نتائجها إلا أني سعيد اني قمت بيها و أفتكر ان اللي عملته هو الصح … >> محدش فاهم حاجة بس مش مهم كل شئ في وقته
حالياُ في أفكار كتير عن تطوير شغلي و تحويله من عمل فردي لشخص واحد الى شئ أكبر .. الأفكار كتير لكن محتاج ارتبها و اختار الافضل و الانسب بينها .. الموضوع هيبقى محتاج لوقت ومال و جهد .. لكن لا ضرر من خوض التجربة حتى ولو كان فشلها – لاقدر الله – هيكون مصحوب بخسائر
دعواتكم بالتوفيق و عيد سعيد على كل الأهل و الأقارب و الأصحاب و الأحباب ..
عيد سعيد عليكم جميعاً
طبعاً محدش فاهم حاجة بس أنا سعيد .. دعواتكم بس
كل سنة و انتم طيبين .. زي مابيقولوا الاوقات السعيدة بتعدي بسرعه .. عشان كده محستش بالاجازة .. يوم السبت يبدأ العام الدراسي الجديد … خلينا أقولكم انا بكره ايه في كليتي وبحب فيها ايه ..
بكرهها لانها …
!! .. و العجيب ان في شباب بيجوا من بيوتهم مخصوص عشان يقعدوا في الكافتيريا !! .. إذا لحقت .. بس بفكر أجيب توكتوك عشان أستريح من المواصلات الغلابة مش فاهمين انها علاقة عكسية .. يعني الطالب اللي شغال وظاهر مبيتعينش غفير حتى .. لكن اللي نايم مع نفسه و قاعد يحفظ ويصم .. دول اللي بيتعينتوا !!أنا تعبت .. كفاية كده لتعقد من الكلية ولا حاجة
بحبها لأنها :
ولا أي تخصص تاني ..الموضوع مفتوح لكل الطلاب يشاركونا باللي يكرهوه وبيحبوه في كلياتهم .. خصوصاً طلاب كليتي العزيزة .. وربنا يستر علينا و عليكم
أول مره أعرف عن لقاءات هواه التقنية كان عن طريق تويتراية لحازم خالد .. بعدها شوفت الجروب الخاص بيها على جوجل و بعض الصور للقاءات السابقة .. في رمضان اللي فات وصلني دعوه من حازم عن طريق الفيس بوك لحضور السحور الجماعي لهواة التقنية .. لكن لأني مش من سكان القاهرة فكان من الصعب أني أحضر … لكن في أخر رمضان وصلني دعوة تانية من حازم ( الراجل ده موجب معانا جامد ) لركوب الخيل الجماعي لهواة التقنية في العيد وبعد ركوب الخيل بيبقى في لقاء لتناقش أمور تقنية .. و بما أننا في العيد و اللقاء بدري من أول اليوم قررت الحضور و نسقت مع حازم عشان أقابله في مكان أكون عارفة عشان ماتوهش في القاهرة بس
في الصباح التقيت بحازم .. أعرف حازم عن طريق النت من زمان ومؤخراً لما بدأ يستخدم تويتر تعرفت عليه أكثر لكن اللي فاجئني أني كنت متوقعه أكبر من كده بكتيييير .. طلع أكبر مني بحاجة بسيطة على عكس ماتوقعت و قابلت أحمد توفيق و ياسر سبيد ودي المره الأولى اللي أتعرف عليهم …. كنت أتوقع أن يكون العدد أكبر .. من خلال الصور اللي شفتها للجروب بيبقوا خماشر ثمناشر واحد بس قلت يمكن خايفين يركبوا خيل و الشباب قالوا في ناس هتيجي على اللقاء مباشرة بعد ركوب الخيل …
من أصعب الأشياء أنك تكون مشرف على تشطيب بيت و تكون ملزم أنك تتعامل مع العُمال و طبعاً لازم تكون متواجد معاهم معظم الوقت .. تخيل بقى كم الوقت الضائع في حاجة زي كده .. أخوكم و للأسف من سنتين أتحط في الموقف ده .. الإشراف على تشطيب بيتنا الجديد … فقررت ألاقي حاجة استغل بيها الوقت الضائع ده .. طبعاً ماينفعش أخذ اللاب توب في مكان ولا فيه كهرباء و لا نت .. و أيامها مكنتش مرتبط بمشاريع أو شغل ولا حتى تدوين .. كنت لسه حر
فكانت الفكرة أني أعمل نافورة مياه أحطها في مدخل البيت خصوصاً لما لقيت أن أسعارها فوق 2000 جنيه !!!!
كالعادة لازم أرسم المشروع على الورق .. و بعد ما حددت كل حاجة بدأت في الشغل .. أخذت مكان في البيت و عملته ورشة للأسطى فؤش ومحدش عارف أنا بعمل ايه .. قالوا باصنع صاروخ .. أهم حاجة أنها مكلفتنيش حاجة – اللهم إلا حاجات بسيطة جداً - لأني إستغليت أشياء كانت متوفرة عندي مش مستخدمة بالإضافة أني كنت بستغل الخامات اللي كنت بشتريها لشغل البيت .. الشغل عليها أخذ وقت طويل لحد ما خلصتها .. كالعادة الكسل سبب رئيسي في التأخير بس الحمد لله خلصتها في الأخر و ان كانت لحد دلوقتي ناقص أني أركب الإضاءة بتاعتها
أسيبكم مع بعض الصور : أكمل قراءة التدوينة »
الحمد لله الذي أمد في عمري إلى اليوم !
أمبارح كان ذكرى ميلادي ( بلاش استخدم كلمة عيد ) .. أمبارح اتممت عشرين سنة و انهيت العقد الثاني من عمري و اليوم ببدأ العقد الثالث .. الواحد عَجِز يا جدعان ..
قبل ما اتكلم عن السنة اللي فاتت .. الأول أتكلم بشكل سريع عن العشرة سنين اللي فاتو من 1999 لحد 2009 .. في الفترة دي انجزت حاجات كتير واتعلمت حاجات كتير من اول لوحة اعلانية صممتها لفندق انتركونتينتال و تصميم لوحات بعدها ومحاولاتي الأولى لتصميم موقع ويب على البوربوينت و الوورد ( الحاجة ام الاختراع ) مروراً بافتتاح اول موقع لي على الانترنت على موقع مجاني وبعدها افتتاح elmoasser.net وبعده elmoasser.com و انضمامي لـ Vbzoom و MySmartBB .. و دخولي عالم التدوين بمدونة المُعاصر و مؤخراً صوت الفؤاد و افتتاح موقع تكويد .. و طوال الفترة دي اتعلمت حجات كتير و اتعرفت على ناس وأصدقاء كتير ..
أكمل قراءة التدوينة »
أخر التدوينات في المُعاصر