سيقام احتفال بيوم حريةالبرمجيات لمدة أسبوعين أبتداءا من الأول من سبتمبر في كليةالهندسة جامعة الإسكندرية .
ويوم حرية البرمجيات هو احتفال عالمي و تعليمي الهدف الأساسي من وراء هذه الاحتفالية هي تشجيع مستخدمي الحاسب للتعرف على البرمجيات الحرة ذات المصدر المفتوح بالإضافة إلى التعرف على المجتمعات التي تقوم بتطويرها و نشرها حول العالم و علي كيفية المشاركة في هذه المجتمعات .
بإذن الله هحاول أحضر بكره اولى فعاليات الحدث .. المشكلة اني ماروحتش إسكندرية من رابعه إبتدائي يعني الواحد هيلطش لما يشبع ..
للأسف مش هقدر احضر كل فعاليات الحدث على مدار الأسبوعين لأني بعيد عن الأسكندرية لكن إن شاء الله هحاول أحضر معظمها ..
هحدث التدوينةعلى مدار الأسبوعين لأضيف الايام اللي هحضرها ..
يلا أشوفك هناك
تحديث : حضرت النهارده اولى فعاليات الحدث .. الوصول للمكان مكنش صعب لكن الصعب كان الدخول .. لفيت على ابواب الكلية كلها وكل حراس الأمن يقولوا مؤتمر إيه ؟؟ ومعندناش تعليمات عن حاجة زي كده ؟ حتى عند الباب اللي كان موضح في رساله المنظمين الموجود في شارع لطفي السيد .. المهم بعد مداولات دخلنا الحمد لله و أعتذر حارس الامن .. كان في تخبط في التنظيم لان الكلية فيها تصليحات صراحة مقدرش ألوم الشباب المنظمين لاني عارف معنى انك تنظم حدث في كليه يعني ايه وحصلت معايا كتير في الفعاليات اللي بنظمها في Computality .. الاول كان في تعريف بالحدث و الجدول الخاص بيه و بعدين محاضرة عن فكر المصادر المفتوحة .. لكن التنظيم و الفعاليات النهارده مكنتش في المستوى اللي كنت متوقعه و أتمنى ان باقي الفعاليات تكون أفضل ..
عندما سمعت عن الأغنية أول ما لفت نظري هو إسم محمد رجب .. ومن منا لم يسمع بإسم محمد رجب أو يقرأ إسمه على بوستر أو إعلان دعوي .. لم أكن أعرف عنه الكثير كشخص … فقط أعرفة من خلال رسوماتة و تصاميمه الدعوية المبدعه و التي بت أعرفها من مجرد رؤيتها من بعيد لأقترب أكثر لا لأبحث عن إسم من صممها بل لأبحث تحديداً عن إسم محمد رجب .. كنت أعتقد أنه شخص كبير في العمر ولكن عندما دخلت موقعه بالأمس وشاهدت صورته و جدته شاب في مقتبل العمر .. أتمنى من الله عز وجل أن يبارك له و يجزيه خيراً و ينفع به الإسلام و المسلمين ..
طرحت أغنية You Came To Me بشكل مجاني في موعدها يوم 18 من هذا الشهر عبر موقع سامي يوسف .. و منذ قليل فقط تم الاعلان عن الفيديو كليب الخاص بهذه الأغنية .. أعتقد ان هذا هو الفيديو كليب الاول لسامي يوسف مع شركة الإنتاج الجديدة ETM International بعد إنفصاله عن شركة Awakening … لكن لم اعثر على موقع هذه الشركة او أي اعمال أخرى من انتاجها !! .. الفيديو أكثر من رائع .. أعجبني كثيراً .. حسناً اترككم معه
كل عام وأنتم بخير بمناسبة حلول شهر رمضان الكريم اعاده الله علينا وعليكم وعلى الامة الاسلامية بالخير و اليمن و البركات . وتقبل الله منا ومنكم صالح الاعمال .
الواحد سعيد أن مصر و السعودية و أغلب الدول اتفقت على بداية رمضان .. طبعاً كالمعتاد لازم تكون ليبيا مختلفة عن الجميع .. و سعيد أكثر أن مفيش دراسة في رمضان يعني الحمد لله مش مضطرين نروح الكلية و بالتالي هنحافظ على صيامنا
لكن الشئ المزعج أن الساعة النهاردة هتتغير .. طول عمري بكره موضوع تغيير الساعه ده .. و بخصوص تغيير الساعه قبل رمضان فمن يومين سمعت تعليق غريب جداً .. واحد كان متضايق جدا من الحكومة و بيقول حرام عليها هتغيير الساعه قبل رمضان عشان نصوم ساعات اقل .. أسيبك تفكر في الجملة
من السمات و المظاهر اللي بتسبق قدوم الشهر الفضيل .. تعليق الزينة و الأنوار و الفوانيس في الشوارع .. صراحة مبدأتش في الموضوع ده إلا من السنة اللي فاتت بس … بعد إنتقالنا لبيت جديد و طبعا معظم حياتي كانت في السعودية فمكنتش بشترك في حجات زي كده .. بس الموضوع جميل جداً .. تلاقي الكل بيشارك في تجهيز المساجد و تزيين الشوارع قدمها .. النهارده علقنا الفانوس قدام بيتنا .. ودي صور حصرية لفانوس بيتنا و اسف على الدقة المتدنية .. تصوير بالموبايل أكمل قراءة التدوينة »
أمبارح كان ذكرى ميلادي ( بلاش استخدم كلمة عيد ) .. أمبارح اتممت عشرين سنة و انهيت العقد الثاني من عمري و اليوم ببدأ العقد الثالث .. الواحد عَجِز يا جدعان ..
قبل ما اتكلم عن السنة اللي فاتت .. الأول أتكلم بشكل سريع عن العشرة سنين اللي فاتو من 1999 لحد 2009 .. في الفترة دي انجزت حاجات كتير واتعلمت حاجات كتير من اول لوحة اعلانية صممتها لفندق انتركونتينتال و تصميم لوحات بعدها ومحاولاتي الأولى لتصميم موقع ويب على البوربوينت و الوورد ( الحاجة ام الاختراع ) مروراً بافتتاح اول موقع لي على الانترنت على موقع مجاني وبعدها افتتاح elmoasser.net وبعده elmoasser.com و انضمامي لـ Vbzoom و MySmartBB .. و دخولي عالم التدوين بمدونة المُعاصر و مؤخراً صوت الفؤاد و افتتاح موقع تكويد .. و طوال الفترة دي اتعلمت حجات كتير و اتعرفت على ناس وأصدقاء كتير .. أكمل قراءة التدوينة »
أغنية جميلة إهداء من سامي يوسف … ربما ليست بالجديدة ولكنها أعجبتني و أردت مشاركتكم بها
Mother don’t cry for me I am to win i must
God almighty is my witness and trust
Palestine, Forever Palestine
Children being killed for throwing stones in the sky
They say to their parents don’t worry, God is on our side
Palestine, Forever Palestine
Mother don’t worry when they come for us at night
Surely they’ll be sorry when God puts them right
Tell me why they’re doing what was done to them
Don’t they know that God is with the oppressed and needy
Perished were the nations that ruled through tyranny
Palestine, Forever Palestine
Children of Palestine are fighting for their lives
They say to their parents we know that Palestine is our right
They to say to their parents we’ll fight for what is right
They say not to worry God is on our side
They say we’ll die for Palestine
Palestine, Forever Palestine
يمكنك تحميلها بصيغة mp3 من الموقع الرسمي لسامي يوسف فقط قم بالإشتراك في القائمة البريدية الموجودة في الموقع و ستصلك رسالة بريدية لتحميلها .. !
و أُعلن اليوم عن أغنية أخرى ستكون متاحة بشكل مجاني أيضاً عبر موقعه الرسمي يوم 18 أغسطس القادم .. بعنوان You Came To Me .. حسناً نحن في الإنتظار ^_^
طبعاً شئ طبيعي أن الديك يشيل الفيل .. محدش يقولي انه مشفهاش قبل كده … !! خلونا ندخل في الموضوع على طول قبل ما حد يقول عليا مجنون
انا من الناس اللي مبتحبش التجمعات الكبيرة وخصوصاً الأفراح وفي الأغلب بعتذر عن معظمها و بطنش الباقي .. لكن ساعات بيبقى لازم اني أحضر ومفيش مجال ولا للإعتذار ولا للتطنيش .. وده كان حال أحد الأفراح امبارح كان لازم احضره ..
رحت الفرح وكان في أحد القاعات المحترمه .. دخلت وطبعاً سلمنا وباركنا .. عشان نثبت حضور .. ورجعت وقفت في أخر القاعه لوحدي بعيد عن الزحمة ..
خلصت الأغنية اللي كانت شغاله .. واشتغلت واحدة تانية من اللي بتتصنف عله انها من الغناء الشعبي .. طبعاً بتعرفها من أول الموسيقى ( اذا كانت دي موسيقى أصلا ) ..
ولقيت ان المغني المحترم .. كان ” بيحشش ” وبعدها شاف ان الديك شايل فيل و ان النملة ديلها طويل .. اهم حاجة ان الناس مبسوطة باللي بتسمعه !!!
مش عارف بما أن الأغاني اللي من النوع ده بتصنف على انها شعبي فهل ده فعلاً زوق الشعب .. !!! من الطبيعي اننا نسمع الكلام الفارغ ده في أي مواصلات تركبها تلاقي من كل شكل ولون .. و مش هننسى أغاني ابو تريكة الأغنية الشعبية و التاني اللي خلى مجموع 1 و 1 .. تلاته عشان يمشي مع أسمه شحاته و كلها إسفاف وكلام فارغ .. لكن لما الحجات دي تتسمع في افراح ناس خريجة كليات ومن المفروض انها بتفهم .. يبقى ده اسمه ايه ؟
إلتقيت الشهر الماضي بالأستاذ رءوف شبايك .. سعدت بالتعاون معه من خلال الانترنت في تصميم ثيم مدونته و سعدت اكثر بلقائه .. صراحة فرصة عظيمة ان تقابل شخص مثل شبايك ..
بسبب محدودية فترة أجازته في مصر و لضيق وقتي فقد كان اللقاء سريع و في مكان غريب .. في محطة مصر .. ومع ذلك فإننا تحدثنا في أمور كثيرة .. و حملت كلماته بين طياتها بعض النصائح التي اعتز بأن أسمعها من شخص في مثل خبرته … و في النهاية أهداني كتابه 25 قصة نجاح … ( بس نسيت أخليه يوقع عليه و لا يكتب إهداء ولا حاجة ) … صورة للكتاب : أكمل قراءة التدوينة »
أهلا بك في أول تدوينة لي هنا في مدونتي الشخصية ..! ..
لماذا مدونة أخرى ؟
السبب الرئيسي و بكل بساطة حتى أحافظ على مدونة المُعاصر ” نظيفة ” متخصصة و بعيدة عن المواضيع الشخصية و المواضيع التي لا علاقة لها بالتقنية عموما و الويب و تصميم المواقع بشكل خاص … قمت بنقل كافة التدوينات القديمة الغير متخصصة من مدونة المُعاصر إلى هنا ..
عن ماذا سأكتب ؟
سأكتب هنا عن كل شئ .. إلا التقنية ! … مواضيع شخصية و أخرى أتناول فيها قضايا إجتماعية و لا مانع من بعض الكلام في السياسة … في هذه المدونة و على عكس المُعاصر فلن أتحدث بالفصحى فقط .. ستجد مواضيع بالعامية و ربما بالإنجليزية .. !
هنا سأعرض أفكاري و أرائي .. لا يهمني كثيراً أن تتفق معي فيها و لكن مايهمني أن تحترمها .. قد تجد أراء لا تعجبك ولكن الجميل في الأمر .. انك غير مجبر على متابعتي .. إذا أردت أن تقرأ لي دون أن ندع مجال لإختلاف الأراء فيمكنك متابعة مدونتي المتخصصة !!
لم أكن أنوي الإعلان عن المدونة اليوم فهناك بعض الأاشياء التي لم تنجز بعد ولكن بما أن الشباب في تويتر قد عثروا عليها فلا مشكلة من مرحلة بيتا إجبارية .. إذا كنت تستخدم مستعرض محترم وواجهتك مشكلة في التصفح فأخبرني .. فقط المستعرضات المحترمة فكما هو مكتوب في الفوتر ” هذه المدونة تظهر بشكل محترم على المستعرضات المحترمه فقط “
يعني الواحد هيلطش لما يشبع ..
