في ذكرى الثورة ماذا تبقى لمصر من مبادئ الثورة ؟
تحول الإقطاع من إقطاع زراعي إلى إقطاع في الناتج القومي … عادت سيطرة رأس المال من جديد .. غابت العدالة الإجتماعية .. إنتشرت الرشوة و الفساد .. غابت الحياة الديموقراطية السليمة .. عادت مصر لشبه الملكية رئيس يحكم من عقود وولي العهد من كوادر الحزب الحاكم ومن المرشحين لخلافة والده وزوجة الرئيس راعية الحياة الإجتماعية .. !!
الأيام دي بدور على شقة أنقل فيها شغلي بعد شغل حوالي 3 سنين كمصمم حر من البيت .. فصل الشغل عن البيت هيخليني أركز على الشغل بشكل أفضل والوقت اللي هبقى فيه في البيت هيبقى للبيت و الأسره من غير ما أشغل تفكيري بالشغل و العملاء !
وبعدين حابب أنا أسمع جملة ” فؤاد رايح الشغل ” .. ” فؤاد جاي من الشغل ” 
اليومين دول بتفرج على شقق كتير بس لسه مش لاقي حاجة مناسبة بالمواصفات اللي انا طالبها .. دعواتكم ربنا ييسر الحال 
الحمد لله خلصت إمتحانات الترم التاني وبدأت النتائج تظهر … الحمد لله نجحت في تحليل 2 المادة دي معايا من سنة أولى أخيرا نجحت فيها ونجحت في معادلات 2 من أول مره
قدرت الحمدلله أسجل ترم صيفي مع ان الكلية معقدة الدنيا في التسجيل بس سجلت مواد غير التخصص مادتين فيزياء ومادة جيولوجيا !! بإذن الله بعد الصيفي ده يبقى فاضلي ترم واحد في السنة الجديدة يعني هتخرج في 4 سنين ونص 
المشكلة ان أغلب دفعتي هتتخرج الترم ده يعني مش هيبقى في حد من اصحابي معايا في الكلية غير قله قليله يلا فرصة نكون صداقات جديدة مع الطلاب في الدفعة اللي بعدي
دعواتكم أن ربنا ييسر اللي فاضل في الكلية لأني زهقت جدا
أخر التدوينات في المُعاصر