الحمد لله الذي أمد في عمري إلى اليوم !
أمبارح كان ذكرى ميلادي ( بلاش استخدم كلمة عيد ) .. أمبارح اتممت عشرين سنة و انهيت العقد الثاني من عمري و اليوم ببدأ العقد الثالث .. الواحد عَجِز يا جدعان 
..
قبل ما اتكلم عن السنة اللي فاتت .. الأول أتكلم بشكل سريع عن العشرة سنين اللي فاتو من 1999 لحد 2009 .. في الفترة دي انجزت حاجات كتير واتعلمت حاجات كتير من اول لوحة اعلانية صممتها لفندق انتركونتينتال و تصميم لوحات بعدها ومحاولاتي الأولى لتصميم موقع ويب على البوربوينت و الوورد ( الحاجة ام الاختراع ) مروراً بافتتاح اول موقع لي على الانترنت على موقع مجاني وبعدها افتتاح elmoasser.net وبعده elmoasser.com و انضمامي لـ Vbzoom و MySmartBB .. و دخولي عالم التدوين بمدونة المُعاصر و مؤخراً صوت الفؤاد و افتتاح موقع تكويد .. و طوال الفترة دي اتعلمت حجات كتير و اتعرفت على ناس وأصدقاء كتير ..
نرجع للسنة اللي فاتت ممكن أقول انها تحديداً و الحمد لله حققت فيها تقدم كيبر وكانت ناجحة بشكل كبير بالنسبة ليا ..
- على مستوى شغلي كمصمم حر ..
- على مستوى عملي التطوعي في مجموعة Computality ..كعضو مؤسس و مشرف تنفيذي لها راضي عن كل اللي حققته معاها و فخور باللي قدرنا نقدمة السنة اللي فاتت ..
- على مستوى علاقاتي الاجتماعية .. أفتكر اني حققت تقدم كبير في وقت قصير
- على مستوى دراستي الجامعية .. في تحسن
- اتعلمت حجات كتير في الفترة دي
طبعا في حاجات تانية بس دي من الحجات الخاصة الغير قابلة للنشر^_^
من اللي بتمنى احققه السنة الجاية :
- أكون أقرب إلى ربي
- أكون قدوة صالحة لكل من يقتدي بي و بيعتبرني مثل له .. إكتشفت مؤخراً أن في ناس بتعتبرني قدوة ومثل لها
- اقدر اقدم كل اللي قدر عليه مع مجموعة Computality لأنها السنة الأخيره ليا في الكلية و الأخيرة مع المجموعة ” كطالب ” في حاجات كتير عاوزاعملها و افكار عاوز أنفذها .. لكن التنفيذ مش سهل و الوقت ضيق و العقبات كتير .. لكن إن شاء الله هحاول اقدم كل اللي اقدر عليه و هركر على أني أساعد في تحضير شباب يقدروا يكملوا من بعدنا ..
- أتخلص من بعض الصفات ..
- أطور من نفسي على المستوى التقني .. بتعلم حالياً لغتين برمجة أتمنى أني اتقن واحدة على الاقل في وقت قريب
- أن مشروع TITOO يرى النور .. ” تيتو ” الاسم الكودي لمشروع جماعي بنحضر ليه اقدر أصنفه على انه من تطبيقات الحوسبة السحابية .. ايه رأيكم في اختياري للاسم ..
- أقدم تصاميم و أعمال متميزة تلقى الرضا و الاستحسان ..
- أخلص الكلية السنة الجاية و متأخرش للسنة اللي بعدها
- أخذ اعفاء من الجيش
- أبدأ أجهز شقتي .. ومش بعيد أخطب
في أمنيات تانية بس احتفظ بيها لنفسي حالياً .. ^_^
كلمة شكر :
- لمعلمي وصاحب الفضل في كل ما انا فيه الان .. والدي رحمه الله
- لأمي العزيزة
- أصدقائي في عالمي الحقيقي
- أصدقائي في Vbzoom و MysmartBB تعلمت معكم الكثير .
- أخي الأكبر : د/عمرو مسعد : المدير العام لمجموعة Computality ..
- أصدقائي في Computality و زملائي في الكلية ..
- لكل من أعطاني نصيحة و كل من نقدني بهدف التحسين .. أشكركم جميعاً ..
بدأت اليوم فصل جديد في حياتي بدأ النهارده الصباح بإجتماع لمجموعة Computality ( شئ مبشر ) … يا ترا بعد عشرة سنين إذا أحيانا المولى عز وجل هكون حققت إيه وهكون فين ! .. الله أعلم .. أتمنى ان يوفقني الله لما يحب و يرضى ..
كل سنة وأنت طيب فؤاد بيك ..
بس عايز أعلق علي كلمة ” إكتشفت مؤخراً أن في ناس بتعتبرني قدوة ومثل لها ” .. إنت فعلاً قدوة لناس كتيرة منهم أنا مثلاً .. أنا قبل 3 شهور مثلاً عرفت موقعك ( المُعاصر ) وصراحة عجبني جداً كتصميم وكتكويد ده اللي خلاني أحسن من مستوايا في التكويد لحد الحمد لله ما أتقنته .. كمان فيه حاجات كتير انت بتعملها بتلاقي صدي عند الناس .. وده توفيق من ربك ..
عقد جديد عليك يحقق لك الرضا والنجاح الذي يريده ربك
بالتوفيق .. أخوك حُسام
وأنت طيب حسام ..
الحمد لله .. شكرا على كلماتك المشجعة ..
بالتوفيق عزيزي
كل سنة و انت طيب
بمناسبة عيد ميلادك – يوم ميلادك – اولاً ، و رمضان ثانياً 
و تمنياتي ليك بكل التوفيق في السنة الجاية و في العقد الجاي كله .
سلامي لك .
وانت طيب حسن ..
وكل سنة وانت طيب بمناسبة رمضان ..
بالتوفيق
كل سنة وأنت طيب وإلي نجاح دائم في حياتك يا اخي
وانت طيب اخ تامر ..
شكرا لك
بالتوفيق
كل عام و أنت بخير ماشاء الله تبارك الله انجازات جداً جميلة
أنت مبدع يا أخي استمر في ما تفعل و موفق باذن الله لكل خير
اهلا بكي اختي الكريمة ..
وانتي بخير .. شكرا على كلماتك الطيبة
تمنياتي لكي بالتوفيق الدائم
أنا تعرفت عليك منذ بدايات مدونتك mo3aser.com و أرى فعلا تحسن ملحوظ جدا
موفق بإذن الله في كل أمورك
وخصوصا “الحجات الخاصة الغير قابلة للنشر” D:
شكرا لك عزيزي ..
مركز انت مره على تويتر ومره هنا
بالتوفيق عزيزي
السلام عليكم ورحمة الله وبركاته
ربنا يوفقك ومن تقدم لتقدم اعلى بإذن الله وتكون انجازات السنة الجاية اكتر وافضل
وكل عام والجميع بخير
و عليكم السلام و رحمه الله و بركاته
وانتي بألف خير .. شكرا لكي
كل سنة وانت طيب …. وحابب اقولك ان شيئ جميل ان الواحد يكتب الحاجات اللى انجزها لأن ده بيدى ثقة للنفس وبيشجع على الاستمرار ……. والاجمل بقى انك من دلوقتى تكتب خطة للعشر سنين الجايين دول او على الاقل السنة الجاية والصق الخطة اودامك كده لأن ده هيشجعك كتيير كل ما تبصلها…. واحمد ربنا انك شاب ايجابى ومنتج لأن انت اكيد شوفت كتييير شباب من سنك وحاطين فى بطنهم بطيخة صيفى ولو هنتكلم على مستوى النت فأكيد انت بتشوف ناس ياما مقضياها شات وجيمز وعايشين فى التراوة خالص فبجد لازم تفخر كده بنفسك لأن راجل شغال بتطور نفسك اول بأول وكل يوم بتتعلم جديد …. وبالله عليك متنساش تعمل الخطة دى وبعد ما تعملها ابقى قسمها لشهور …. وكل سنة وانت طيب للمره التانية وعقبال 100 سنة وتبقى ساعتها اقدم مصمم مواقع عرفه التاريخ …. يعنى هتصمم مواقع حجرية ^_^ ويا ريت محدش يفهمنى غلط فى حجرية دى
وانت طيب اخ احمد ..
وانت طيب ..
مواقع حجرية .. ربنا يعزك
شكرا على النصائح و إن كان من الصعب أحط خطة واضحة لعشرة سنين لكن هحاول
بالتوفيق
إكتشفت مؤخراً أن في ناس بتعتبرني قدوة ومثل لها !!!
لا بالفعل ما شاء الله أنت شخصية رائعة مبدعة وحققت إنجازات أري أنها تسبق سنك بكثيــــــــــر وغيرك في هذا الوقت في غير هذا الموقع
أنت كإنسان بعيدا عن التصميم أيضا شخص جيد فلا تقلل من نفسك فأنت حقاً تستحق ذلك
اهلا اخ أيمن ..
شكرا على كلماتك الطيبة .. بارك الله فيك
اولا كل عام وانت بخير ومن تقدم الى تقدم باذن الله
وربنا هيوفقك لانك دايما بتحاول تساعد غيرك وده اللي لاحظناه من نشاطك في الكليه
اهم حاجه الاستمراريه
واذا كانت النفوس كبارا **** تعبت في مرادها الاجسام
وان شاء الله تحقق كل اللي بتتمناه وزياده ونشوفك اشهر مصمم ومبرمج
اتمنى لك حياه عامره بالانجازات والنجاح والعطاء
خالص تمنياتي بالنجاح والتوفيق في الدنيا والاخره
اهلا بشمهندسة جولدن …
وانتي بألف خير .. جزاكي الله خيراً
شكرا على كلماتك الطيبة … و بإذن الله نوفق في نشاطنا الجماعي في الكلية من خلال المجموعة ..
تمنياتي لكي بالتوفيق
@ المُعاصر
الف مبروك اخي المعاصر وعقبال المئه شمعه
حقيقة يوميا ادخل علي مدونتك هذة والاخري احببت اليوم ان ارد عليك وابارك لك ومزيد من التقدم وان شاء الله حيكونوا العشر سنين القادمة افضل من الي فاتوا
………………………………..
سلامات
اهلا أخي محمد …
الله يبارك فيك عزيزي ..
يسعدني أنك من المتابعين لما اكتب و إن كنت متابع صامت
بالتوفيق
ازيك اخى المعاصر
انت كويس
كويس اوى يعنى
ما جرلكشى حاجه
سليم مايه مايه
ياخساره ………….. دا انا تعبت اوى
فى النق عليك طبعا ^_^
يابنى حط خرزه زارقه على الموضوع من فوق وفرده جزمه عيل فى ديل الموضوع
بس العيل يكون يتيم له اب واحد وام واحدة
ع العموم
كل سنه وانت طيب
و
رمضان كريم
وان شاء الله ع السنه الجايه تكون حققت كل احلامك
وليه النق و الحسد بس ..
ربنا يحفظنا من العين وخصوصاً من شباب الكلية .. مش من علوم 
وإنتي طيبه .. و رمضان كريم ..
تمنياتي لكي بالتوفيق ^_^
السلام عليكم ورحمة الله وبركاته
مبارك عليك .. التفوق والتميز .. وتستاهل كل خير
وكل عام وأنت لله أقرب ..
رمضان مبارك .. وتقبل الله طاعتكم
فؤاد .. انت ازاي تنسي تشكرني
انت مش اتعلمت مني حاجات كتير ؟؟
ههههههههههههههه
الي تقدم وتقدم ياحبيبي
[...] تدوينة سابقة كنت حطيت من ضمن الأهداف للسنة الجديدة ” أبدأ أجهز [...]