من أصعب الأشياء أنك تكون مشرف على تشطيب بيت و تكون ملزم أنك تتعامل مع العُمال و طبعاً لازم تكون متواجد معاهم معظم الوقت .. تخيل بقى كم الوقت الضائع في حاجة زي كده .. أخوكم و للأسف من سنتين أتحط في الموقف ده .. الإشراف على تشطيب بيتنا الجديد … فقررت ألاقي حاجة استغل بيها الوقت الضائع ده .. طبعاً ماينفعش أخذ اللاب توب في مكان ولا فيه كهرباء و لا نت .. و أيامها مكنتش مرتبط بمشاريع أو شغل ولا حتى تدوين .. كنت لسه حر 
فكانت الفكرة أني أعمل نافورة مياه أحطها في مدخل البيت خصوصاً لما لقيت أن أسعارها فوق 2000 جنيه !!!!
كالعادة لازم أرسم المشروع على الورق .. و بعد ما حددت كل حاجة بدأت في الشغل .. أخذت مكان في البيت و عملته ورشة للأسطى فؤش ومحدش عارف أنا بعمل ايه .. قالوا باصنع صاروخ .. أهم حاجة أنها مكلفتنيش حاجة – اللهم إلا حاجات بسيطة جداً - لأني إستغليت أشياء كانت متوفرة عندي مش مستخدمة بالإضافة أني كنت بستغل الخامات اللي كنت بشتريها لشغل البيت .. الشغل عليها أخذ وقت طويل لحد ما خلصتها .. كالعادة الكسل سبب رئيسي في التأخير 
بس الحمد لله خلصتها في الأخر و ان كانت لحد دلوقتي ناقص أني أركب الإضاءة بتاعتها
أسيبكم مع بعض الصور :
ملاحظة الرسمة في الخلفية في الصورتين 2 و 3 .. مش جزء من النافورة .. لكن لزوم التصوير بس .. الرسمة لفنان هندي …
النتيجة مش إحترافية .. بس كتجربة أولى شئ كويس .. و عجبت كل اللي شافها خصوصاً بتوع الصاروخ .. و الأهم وفرت الألفين جنيه
يعني مصمم ومطور مواقع و مصمم و منفذ نوافير
ماشاء الله .. رااااااائعة جدا ، مُذهل يا فؤاد !!
عرفت كيف تتسغل وقتك مو زينا ياحسرة :$
اهلا عبدالله .. من المرا القليلة اللي إستغلت فيها الوقت الضائع
شكرا على مرورك ^_^
فنان يافؤاد
تكويد نافورة D:
بجد شيء حلو ماشاء الله
اهلين نعمان ..
حلوة تكويد نافورة .. وكويس انك ما جبت سيرة الووردبريس .. خلاص الناس خلوني متخصص فيها
رائعة جداً ، متأكد أن دي كانت اول مرة تعملها ؟
بسم الله ما شاء الله ، متقنة الى حد بعيد .
دمت بخير .
اهلا حسن ..
اول مره ومفتكرش هعيدها تاني
السلام عليكم ورحمة الله وبركاته
بسم الله ماشاء الله ,,جميلة جدا والاجمل إستغلال الوقت
وبعدين لما ده كسل زى مابتقول امال احنا نبقى ايه؟؟؟
و عليكم السلام و رحمه الله و بركاته
المشكلة بيبقى في حماس في الأول و بعدين يجي الكسل فيتوقف الشغل و يتأجل .. بس المهم اني بخلصه في الأخر
شكرا على المرور
ماشاء الله تبارك الرحمن بالعكس صنعك لها جداً فنان
ماشاء الله أبدعت أخي
جعله الله منزلاً مبارك
اهلا بكي اختي نوفه ..
شكرا على مرورك العطر ^_^
تجربة رائعة صراحة ..
وكما قلت ليست إحترافية ولكن جميلة وتفي بالغرض ..
بالتوفيق حبيبي ..
اهلا مستر حسام …
هو احنا ورانا ايه غير التجارب .. اهو بنتعلم حجات جديدة .
ربنا يستر بس من تجاربي الجايه
ماشاءالله تبارك الله ..
فعلا انجــآآآز و ابدآع بالنسبة لأول مرة ..
بالتوفيق اخويه .. =)
اهلا بكي اختي الكريمة
شكرا على مرورك
بالتوفيق للجميع
ما شاء الله جميله
تمنياتي بالتوفيق
اهلا جولدن … شكرا على مرورك
بالتوفيق للجميع ^_^
اية يا عم انت ليك كدة في كل حاجة
ارحم نفسك شوية بقي
استقر علي حاجة
بس جااااااامدة جدااا علي فكرة
ماشاء الله فنان من يومك
ايه بس يا بشمهندس عمر .. وحد الله كده
اهو بنحاول نجرب حجات جديدة عشان نتعلم .. لو مجربناش دلوقتي هنجرب أمتى . و بعدين مادام احنا من علوم يبقى لازم يكون لينا في كل حاجة تحسباً لأي طارئ
مافورة حته واحدة يا عبقرى بس فى سؤال انت اللى جسمت الاشكال دى يعنى شكل القلة والحاجات دى انت اللى عاملها كده ولا هى اصلا كده ؟؟؟؟
اهلا احمد
حلو عبقري دي
لأ مش من تجسيمي .. نحاسيات جاهزة .. أن مش جامد اوي كده .. كفاية عليا اعمال النجارة و الحدادة و الكهبراء اللي إشتغلتوا فيها
يبدو اني جيت متأخر ..بمعرض الفنان العالمي فؤاد أبو نافورة
..خلي بالك أثيويبا بتعمل سد يعني ربنا يستر علي مصر بالمياه
والله بغض النظر عنها والتصميم ..كونك تعمل شئ وتعمل عليه حتي الأنهاء ..العزيمة والأدارة دي بحد ذاتها شئ ممتاز وأحييك عليه وتجربة حلوة
بس طبعا مش عارف أنا مستغربها شوية وخصوصا القله اللي فيها خرطوم ميه ..:D ويا تري المياه اللي بتنزلها بتعيدها تاني ..ولا بتهدر المياه كده
ومبروك النافوة
هههههههههه محدش بيشوف الخرطوم ده … سيبك من زاوية التصوير دي .. خليك في باقي الصور
ماتخفش على مياه مصر .. هي كوباية ميه و بتعيدها
ما شاء الله جميلة فعلا
أنصحك أيضا في وقت الفراغ ببضع ورقات و فكر في شغلك واكتب رؤوس أقلام
مرة فعلتها فكتبت أفكار كثيرة وصلت تقريبا لأربعين فكرة في ساعتين – ثلاث ساعات فقط
صدقني هذه أفضل أوقات التفكير حيث تعجز عن التنفيذ وقتها
جربها المرة القادمة
عزيزي فؤاد
مبدع كعادتك
بس اخير شغلتها .. فعلا الكسل دا مشكلة
حركاااات والله يا فؤاد طلعت منت سهل