اول حاجة كل سنة و انتم طيبين بمناسبة عيد الاضحى المبارك .. عيد سعيد مليئ بالبهجة و السعادة على الجميع ان شاء الله ..
هي التدوينة في الاساس مكتوبة عشان الجملة اللي فاتت بس .. لكن بما ان المدونة كلها شخصية فلازم نصدعكم بشوية اخبار سريعه 
في تدوينة سابقة كنت حطيت من ضمن الأهداف للسنة الجديدة ” أبدأ أجهز شقتي “ و الحمد لله رب العالمين بدأت أول خطوة الأسبوعين اللي فاتوا وبقى للشقة جدران و سقف
الأسبوعين اللي فاتوا دول كانوا من أكثر الأسابيع اللي انضغطت و تعبت فيها جداً .. الاشراف على العمال و المباني مع الشغل مع الامتحانات الكتييييرة اللي كانت ورانا لان الدكاتره في الكلية خايفين ان اجازة العيد تمتد بسبب المرض … لكن الحمد لله رب العالمين مرت على خير
على الرغم من ضغط الأسبوعين اللي فاتوا إلا أني أخذت خطوة مهمة سعيد بها جداً أياً كانت نتائجها إلا أني سعيد اني قمت بيها و أفتكر ان اللي عملته هو الصح … >> محدش فاهم حاجة بس مش مهم كل شئ في وقته
حالياُ في أفكار كتير عن تطوير شغلي و تحويله من عمل فردي لشخص واحد الى شئ أكبر .. الأفكار كتير لكن محتاج ارتبها و اختار الافضل و الانسب بينها .. الموضوع هيبقى محتاج لوقت ومال و جهد .. لكن لا ضرر من خوض التجربة حتى ولو كان فشلها – لاقدر الله – هيكون مصحوب بخسائر
دعواتكم بالتوفيق و عيد سعيد على كل الأهل و الأقارب و الأصحاب و الأحباب ..
عيد سعيد عليكم جميعاً
كل سنة وإنت طيب واهلك طيبين , و ربنا ينولك اللي فراسك يافؤاد .
كل عام وانت بخير. وعيد سعيد مقدماً
الله يوفقك إلين تكمل شقتك. ويبارك لك بمشروعك الجديد.
نصيحتي لك وجه العمل القادم للفئة اللي ذكرتها لك في تويتر. ولو محتاج معلومات أكثر حول الموضوع راح أفيدك باللي مريت به من تجربه.
كن بخير
كل سنة و انت طيب و بالصحة و السلامة !
شوقتنا << محدش فاهم حاجة .. صحيح احنا هنفهم امتى ؟
تقبل فائق احترامي .
بسم الله الرحمن الرحيم
كل عام وأنت بخير وسعادة ..
من الواضح إن القرارات المصيرية بتتاخد في اوقات سريعة
وعموماً بالتوفيق فؤاد وبإذن الله نشوفك مدير عام كده وقاعد في مكتب لشركة كبيرة
يلا أسيبك تفرح بأجازة العيد ..
ده أنا ههيص في الأجازة ده ..
عيد سعيد
و كل عام و أنت بخير
والله مني فاهمة حاجة
بس الله يوفقك ويسهل لك أمورك يارب