الأيام دي بدور على شقة أنقل فيها شغلي بعد شغل حوالي 3 سنين كمصمم حر من البيت .. فصل الشغل عن البيت هيخليني أركز على الشغل بشكل أفضل والوقت اللي هبقى فيه في البيت هيبقى للبيت و الأسره من غير ما أشغل تفكيري بالشغل و العملاء !
وبعدين حابب أنا أسمع جملة ” فؤاد رايح الشغل ” .. ” فؤاد جاي من الشغل ” 
اليومين دول بتفرج على شقق كتير بس لسه مش لاقي حاجة مناسبة بالمواصفات اللي انا طالبها .. دعواتكم ربنا ييسر الحال 
ان شاء الله ربنا يوفقك
وتسمع فؤاد رايح الشغل وفؤاد جاى من الشغل
بالتوفيق بإذن الله ,
ويارب تحقق كل للى بتتمناه ,
إن شاء الله تلاقي
وتحياتي للإستاذ سمير 
بالتوفيق يا دوك
هو بصراحة قرار صائب خصوصاً ان الناس مبتفهمش فكرة الشغل الحر ده وبيقولوا بدام فؤاد، سيد، عفيفي…. أى كان بدام قاعد على الكمبيوتر يبقى بيلعب – ناهيك عن رؤيتهم لفواتير بتندفع فا برضو النتيجة النهائية فؤاد بيلعب مش بيشتغل ولو جاب فلوس بيبقى بالفهلوة :s
بفكر اعمل زيك بس دي خطوة مش صغيرة ولا يُستهان بيها – بالتوفيق